Türkmenistan 1991-nji ýylyň 27-nji oktýabrynda öňki SSSR-den Garaşsyzlygyny yglan etdi. Ilkinji Prezidenti Saparmyrat Nyýazow bolup, ‘Türkmenbaşy’ diýip hem bilinýär. 2006-njy ýylda S. Nyýazow aradan çykandan soňra, Prezidentlik wezipesine türkmen halky Gurbanguly Berdimuhamedowy saýlady. 2022 -nji ýylyn mart aýynda bolsa, saýlaw netijesinde, türkmen halkynyň goldap ses berip saýlan Prezidenti – Serdar Berdimuhamedow – wezipesine başlady.
Italiýa we Türkmenistan arasyndaky diplomatik gatnaşyklar 1992-nji ýylyň 9-njy iýunynda Moskwada gol çekilen tewsirnama bilen başlandy. Italiýa 2013-nji ýylyň 2-nji dekabrynda Türkmenistanda ilçihanasyny ilkinji bolup açan 5 Ýewropa döwletiniň biridir. Bu karar bolsa 2017-nji ýylyň başynda Türkmenistanyň Italiýadaky ilçihanasynyň açylmagyna ýol açan sebäpleriň biridir. Italiýadaky Türkmenistanyň ilçihanasynda 2020-nji ýyldan bäri Toyly Komekow ilçilik wezipesini ýerine ýetirýär.
Italiýa we Türkmenistan Halkara Forumlarda (BMG agzalary) alnyp barylýan daşary syýasat meselelerinde ýakyn garaýyälary bar. Italiýa, BMG-nyň kararlarynda göz öňünde tutulan Türkmenistanyň hemişelik bitaraplygynyň halkara derejesinde ykrar edilen statusyna ýokary baha berýär, şeýle hem gepleşiklere we diplomatik çözgütlere gönükdirilen Italiýa hökümetiniň alyp barýan daşary syýasatlaryna oňyn baha berýär. Iki ýurt hem halkara guramalaryna dalaşgärlerini hödürlemekde birek-biregi goldaýarlar.
Ikitaraplaýyn gatnaşyklardan başga-da, Italiýa-Türkmen gatnaşyklarynyň ösüşi Türkmenistanda wekilçilik edilýän dürli halkara guramalarynyň (UNDP, OSCE, UNICEF, EBRD we beýlekiler) Türkmenistanda amala aşyrylýan işleriniň arkaly hem görkezilýär. Bu agentlikleriň esasy işleri, ýurduň syýasy demokratizasiýa prosessinde we bazar ykdysadyýetine geçişinde Türkmenistanyň goldawyny bermekdir.