Daşary ýurtlarda Italiýanyň arheologiýa gününiň çäklerinde Italiýanyň Aşgabatdaky Ilçihanasy Parfiýa Nusaýynyň arheologik ýadygärligine gezelenç gurady. Oňa medeni we arheologik miras ulgamynda işleýän türkmen edaralary, şeýle hem Aşgabatda ýerleşýän diplomatik wekilhanalaryň we halkara guramalarynyň wekilleri gatnaşdylar.
Arheologik ýadygärlige gezelenje otuz ýyldan gowrak wagt bäri bu ýerdäki arheologik ekspedisiýa ýolbaşçylyk edýän professor Karlo Lippolis — Turiniň Arheologik barlaglar we gazuw-agtaryş merkezi bolan CRAST-yň direktory — ýörite ýolbelet hökmünde ýolbaşçylyk etdi. Çärä Türkmenistanda italýan arheologiýasynyň ýene bir görnükli wekili, Togalakdaky gazuw-agtaryş ekspedisiýasynyň taslama ýolbaşçysy professor Barbara Çerasetti hem gatnaşdy. Türkmenistanyň Medeniýet ministrliginiň Taryhy ýadygärlikleri gorap saklamak, öwrenmek we dikeltmek boýunça müdirliginiň baş direktory Muhammed Mamedowyň, Halkara bölüminiň wekili Maýa Saparowanyň, şeýle hem Türkmenistanyň Milli arheologiýa muzeýiniň we Şekillendiriş sungaty muzeýiniň direktorlarynyň gatnaşmagy Italiýanyň arheologik barlaglar ulgamyndaky hünärmenleriniň ýokary ussatlygynyň möhüm ykrarnamasy boldy.
Daşary ýurtlarda Italiýanyň arheologiýa güni ikitaraplaýyn gatnaşyklaryň möhüm bölegi bolan medeni hyzmatdaşlygyň çäklerinde geçirilýär. Döwlet edaralarynyň, akademik jemgyýetçiligiň we ýerli ilatyň gatnaşmagy arkaly arheologik barlaglaryň «italýan nusgasy» medeniýetara dialogyň ösmegine goşant goşýar.
Bu çäre mynasybetli taýýarlanan kitapçanyň nusgasyny şu ýerden ýükläp alyp bilersiňiz.
Bron etmek indi mümkin däl